ସୁବର୍ଣ୍ଣପୁର(ସଚେତନ ନ୍ୟୁଜ) ଦିନ ଦ୍ବିପହରରେ ସୋନପୁର ସହର ର ନିଛାଟିଆ ଜାଗାରେ ଲୋକ ଙ୍କ ପାଖରୁ ଲୁଟ ତରାଜ କରୁଥିବା ୩ ଜଣ ଲୁଟେରା ଙ୍କୁ ଆଜି ଗିରଫ କରି କୋର୍ଟ ଚାଲାଣ କରିଛି ସୋନପୁର ପୋଲିସ l ଘଟଣା ରୁ ପ୍ରକାଶ ଯେ ଅଭିଯୋଗ କାରୀ ସୁବଳୟା ଅଞ୍ଚଳ ର ମହେନ୍ଦ୍ର କର୍ଣ୍ଣ (୨୪)ଓ ବାଲାଙ୍ଗୀର ଅଞ୍ଚଳ ର ବିକାଶ ମଟାରୀ (୨୨)ଉଭୟ ଙ୍କ ଠାରୁ ୫ ତାରିଖ ଦିନ ଦ୍ବିପହର ରେ ସର୍କିଟ ହାଉସ ରାସ୍ତାରେ ଲୁହା ରଡ଼ରେ ଭୟଭିତ କରାଇ ୨୭୦୦ ଟଙ୍କା, ଗୋଟାଏ ମୋବାଇଲ ଫୋନ ଓ ଫୋନ ପେ ମାଧ୍ୟମ ରେ ୫୩୧୦ ଟଙ୍କା ଜବରଦସ୍ତ କରି ନେଇ ଯାଇଥିଲେ l ଏହା ବ୍ୟତୀତ ୨୦ ଗୋଟି ଚୋରୀ ଲୁହା ରଡ଼ ମଧ୍ୟ ଜବତ ହୋଇଛି l ଏ ସମ୍ପର୍କରେ ସୋନପୁର ଥାନା ରେ ଦୁଇଟି କେ୍ସ(୮୫ ତା.୦୬/୦୪/୨୩ U/s-୩୯୪/୩୪ IPC ଓ ୮୬ ତା.୦୬/୦୪/୨୩U/s-୩୯୪/୩୪ IPC)ରୁଜୁ ହୋଇଥିଲା l
ସୋନପୁର ପୋଲିସ ଘଟଣା ର ତଦନ୍ତ କରି ସ୍ଥାନୀୟ ଭଗବତୀ ପ୍ଲଟ ଅଞ୍ଚଳ ର ସୁମିତ କଂସାରୀ, ବିଶାଳ ଡୁଙ୍ଗୁରିଆ, ଆଶିଷ ବେହେରା ନାମକ ୩ ଜଣ ଯୁବକ ଙ୍କୁ ଗିରଫ କରି ତାଙ୍କ ପାଖରୁ ୨୨୦୦ ନଗଦ ଟଙ୍କା, ମୋବାଇଲ ଫୋନ ଓ ଫୋନ ପେ ମଧ୍ୟମ ରେ ନେଇଥିବା ଟଙ୍କା ସବୁ ସହିତ ଲୁହା ରଡ଼ କୁ ମଧ୍ୟ ପୋଲିସ ଜବତ କରିଛି l ଏବଂ ଆଜି ତାଙ୍କୁ କୋର୍ଟ ଚାଲାଣ କରିଥିବା ବିଷୟ ଏକ ପ୍ରେସ ମିଟ ରେ ସୋନପୁର ଏସ୍ଡ଼ିପିଓ ପୁଷ୍ପାଞ୍ଜଳୀ ନିଙ୍ଗୀ ଓ ଆଇ ଆଇ ସି କୃଷ୍ଣଚନ୍ଦ୍ର ମେହେର ପ୍ରକାଶ କରିଛନ୍ତି l ଦୀର୍ଘ ଦିନ ରୁ ସହର ରେ ଏଭଳି ନିଶା ଖୋର ଯୁବକ ମାନେ ସ୍କୁଲ କଲେଜ ଛାତ୍ର ଛାତ୍ରୀ ତଥା ବାହାର ଲୋକ ଙ୍କୁ ଟାର୍ଗେଟ କରି ନିଛାଟିଆ ଜାଗା ମାନଙ୍କ ରେ ଲୁଟ ତରାଜ କରୁଥିବାରୁ ସହର ର ବୁଦ୍ଧିଜୀବୀ ତଥା ଅଭିଭାବକ ମାନେ ଚିନ୍ତିତ ଥିବା ଦେଖିବାକୁ ମିଳିଛି l ତେଣୁ ପୋଲିସ ପେଟ୍ରୋଲିଙ୍ଗ କୁ ଆହୁରି କଡା କଡ଼ି କରି ନିଶାଖୋର ଅସାମାଜିକ ଯୁବକ ଙ୍କ ଉପରେ ତୀକ୍ଷ୍ଣ ନଜର ରଖିବାକୁ ସାମ୍ବାଦିକ ମାନେ ପ୍ରେସ ମିଟ ରେ ଏ ବିଷୟରେ ଉପସ୍ଥାପନା କରିଥିଲେ ।
ରିପୋର୍ଟ, ଉଗ୍ରସେନ କର୍ମୀ, ସୁବର୍ଣ୍ଣପୁର
