କନ୍ଧମାଳ(ସଚେତନ ନ୍ୟୁଜ) କନ୍ଧମାଳ ଜିଲ୍ଲା ଚକାପାଦ ବ୍ଲକ ଅନ୍ତର୍ଗତ ପସରା ଗ୍ରାମର ପୂର୍ବତନ ପ୍ରଧାନଶିକ୍ଷକ ଶ୍ରୀଯୁକ୍ତ ବୀରେନ୍ଦ୍ର କୁମାର ନାୟକ ଗତକାଲି ବିଜୁ ଜନତା ଦଳ ( ବି ଜେ ଡି ) ରେ ଯୋଗ ଦେଇଛନ୍ତି l ସେ ଜଣେ ମେଳାପି ମଣିଷ ଭାବରେ ଚକାପାଦ ଅଂଚଳରେ ବେଶ ଜଣାଶୁଣା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ବିଚାରଧାରା କୁ ପାଥେୟ କରି ସେ ଏହି ଦଳରେ ଯୋଗ ଦେଇଥିବା କହିଛନ୍ତି । ଏହି ମିଶ୍ରଣ ପର୍ବ ରେ ବିଜେଡି ର କନ୍ଧମାଳ ପର୍ଯ୍ୟବେକ୍ଷକ ବିଜୟ ନାୟକ, ଫୁଲବାଣୀ ବିଧାୟକ ଅଙ୍ଗଦ କହଁର, ଚକାପାଦ ବ୍ଲକ ବିଜେଡି ସଭାପତି ରାଜେଶ ଦିଗାଲ, କନ୍ଧମାଳ ସ୍ୱତନ୍ତ୍ର ଉନ୍ନୟନ ପରିଷଦ ଅଧ୍ୟକ୍ଷ ରତନ ମଲ୍ଲିକ, ଉପଧ୍ୟକ୍ଷା ନଳିନୀ କହଁର, ବ୍ଲକ ଅଧ୍ୟକ୍ଷା ବୈନେତ୍ରୀ କହଁର ପ୍ରମୁଖ ଶ୍ରୀଯୁକ୍ତ ନାୟକ ଙ୍କୁ ଫୁଲ ତୋଡା ଦେଇ ବିଜୁ ଜନତା ଦଳ ର ପରିବାର କୁ ସ୍ୱାଗତ କରିଥିଲେ l କର୍ମମୟ ଜୀବନରୁ ଅବସର ଗ୍ରହଣ କରିଥିବା ଶ୍ରୀଯୁକ୍ତ ନାୟକ ଜୀବନ ର ପରବର୍ତ୍ତୀ ସମୟ ଜନସାଧାରଣ ଙ୍କ ସେବାରେ ନିୟୋଜିତ କରିବା ସହ ସୁଖ ଦୁଖ ର ସାଥି ହେବେ ବୋଲି ଉପସ୍ଥିତ ଥିବା ଗଣମାଧ୍ୟମ କୁ ସୂଚନା ଦେଇଛନ୍ତି l
ବ୍ୟୁରୋ ରିପୋର୍ଟ,ସଚେତନ ନ୍ୟୁଜ 
